Parissparsh Publication

"स्वतःचे व इतरांचे अनुभव विश्व प्रगल्भ करण्याचा, ज्ञानरंजनाचा उत्तम मार्ग म्हणजे वाचन…"

तुला वाचत रहावसं वाटतं । वसंत शिंदे

kavitech soundary, tula vachat rahavas vatat, vachanved

        तुला वाचत रहावसं वाटतं
        सारखं...
        चाळत रहावीशी वाटतात
        तुझी पानं...

        तुझे शब्दन् शब्द
        वेचून घ्यावेसे वाटतात...

        गुंतत रहावसं वाटतं
        तुझ्या आशयात...


        तुझी प्रतिमा... प्रतीकं...
        उपमा... अलंकार...
        गुणगुणत रहावेसे वाटतात...

        तुझे वेलांटी... उकार ...
        रफार... काना... मात्रा
        सारेच आहेत ओळखीचे... परिचित...
        तरीही,
        मन काही भरत नाही,
        कित्येकदा तुला वाचूनही...

        खरेतर,
        मी चांगल्या कवितेवर
        जिवापाड प्रेम करतो
        हे तुला माहीतच आहे...

        - वसंत शिंदे, सातारा.

टिप्पणी पोस्ट करा

0 टिप्पण्या