Parissparsh Publication

"स्वतःचे व इतरांचे अनुभव विश्व प्रगल्भ करण्याचा, ज्ञानरंजनाचा उत्तम मार्ग म्हणजे वाचन…"

सदाफुली | बालकविता | दशरथ कांबळे

सदाफुली - बालकविता, सदाफुलीची कविता
                
                ये आई बघ ना गं..
                ही सदाफुली रोजच फुलते,
                आपल्या अंगणाची शोभा
                कशी रोजच वाढवते.

                आपले ही जीवन
                असेच ना गं असावे,
                रोज रोज आपण ही
                इतरांच्या मनी आनंद भरावे.

                बघ किती गं ती सुंदर दिसते
                सदाफुली आपल्या अंगणी खेळते,
                अलगद हळूवार वाऱ्याची झुळूक
                तिला कशी बघ हळूच डोलवते.

                असो कोणताही महिना
                ती रोजच नव्याने उमलते,
                असेच जीवन आमचेही घडावे
                हीच प्रार्थना मी श्री चरणी करते.

                -दशरथ (आण्णा) कांबळे
                चंदगड, कोल्हापूर


टिप्पणी पोस्ट करा

0 टिप्पण्या